Estuarioak eta hegaztien behaketa

Txingudiko estuarioa, Bidasoa ibaiaren bokalean, natura- eta ornitologia-balio handiko eremua da, Natura 2000 Sarearen barruko HBBE-Hegaztientzako Babes Bereziko Eremua, eta BGL Interes Komunitarioko Lekua baita. Gainera, Plaiaundiko Parke Ekologikoa, ingurune horren zati bat, Nazioarteko Garrantzia duten Hezeguneen Ramsar Zerrendan dago.

Bertako padurek, uharteek eta marearteko aintzirek hegazti mota ugari hartzen dituzte urte osoan zehar: espezie limikolak, anatidoak, lertxunak, martin arrantzaleak, baita migrazio-igarotzean dauden arrano arrantzaleak ere.

Era berean, Jaizubia, Plaiaundi eta Bidasoa inguruko padurek bisitarientzat, familientzat eta naturazaleentzat oso irisgarria den ekosistema-multzoa osatzen dute.

Birding esperientzia bat Txingudin, hiritik hurbil dagoen baina oso naturala den paisaia lasaiaz gozatzeko; non marea eta urtaro bakoitzak irudi desberdin bat eskaintzen du.