Gasteiz

Bikain kontserbatuta dagoen Erdi Aroko hirigunearen gainean altxatzen den Gasteizek presarik gabe gozatzeko diseinatuta dagoen hiriaren izaera erakusten du. Natura eguneroko bizimoduaren parte da, hiriak dituen parke ugariei eta Eraztun Berdeari esker. Eraztun Berdea hiria inguratzen duen korridore natural handia da, eta oinez nahiz bizikletaz egin daiteke. Tradizioak bizirik jarraitzen du bere merkatu, jai herrikoi eta topaguneetan, bizitza ulertzeko modu goxo eta abegitsua islatuz.

Andre Maria Zuriaren plazatik hasi eta XIX. mendeko Zabalgune dotoreraino, oinezkoentzako kaleetan paseatzeko, terrazez gozatzeko eta historiaz, arteaz eta kulturaz betetako ondarea deskubritzeko gonbita egiten du hiriak. Ekitaldi-agenda bizia du, eta mahasti-paisaiez eta tradizio enologiko jasoenaz betetako Arabako Errioxatik oso hurbil dago. Horrek guztiak ondarea, jasangarritasuna eta gastronomia uztartzen dituen esperientzia osatzen du.